《又一城不錯漢堡和勁正班戟日本過江龍。J.S foodie》
記得之前到大阪旅行的時候食過gram的厚pancake之後就愛上厚pancake，今次見到又一城新開呢間日本過江龍主打漢堡和厚班戟，我點可以唔去試？😋😋立即放工狗衝去又一城！😝
去到見到門口勁多人排隊！估唔到呢間日本各方面嘅魅力咁大！我哋好快順利入去就座，呢間餐廳係連接着I.T BLUE BLOCK SHOP, 我發覺近年好多買衫同鞋嘅店舖都好流行同餐廳合作有一啲空間比客人行攰左坐低食嘢，不過相比之下，呢一間J.S foodie 大好多，同埋更似一間餐廳。
我哋見到Menu主要都係漢堡，意粉同埋厚班戟，可以食到我想食的厚班戟之餘，又有主食唔使分兩間餐廳再去食另一餐，認真不錯😋最後我哋叫咗一個牛油果漢堡，雜莓班厚班戟和兩杯飲品。
首先嚟嘅係牛油果芝士漢堡配薯條，包嘅賣相好吸引，感覺足料得來有霸氣，中間嘅漢堡扒厚身得來又夠juicy, 芝士亦好大一片！芝士控至愛😝上面一大Pat牛油果🥑清新得來令成個包冇咁大罪惡感，可以大大啖咬，大快朵頤。值得一題係佢嘅粗薯條都好正，炸得夠脆仲有空氣感有點似m記薯條口感不過粗點，令人不禁一條接一條。
跟住重頭戲士多啤梨藍莓香蕉厚班戟來了！佢一共只有兩款厚班戟，我哋曾經喺原味班cake同埋呢一個班cake之間作出過選擇的掙扎，最後都係諗住佢個樣影相靚啲，同埋食多啲生果健康啲而揀咗呢一款😋來到我覺得佢個size已經贏咗，佢同樣是三大個厚班戟，但平均每個係gram的大1.5倍，可以大口大口地吃就是爽！不過大得來仲好好食！每個班戟內裏有綿密的空氣感，一定要加埋cream去食，幼滑滑嘅口感介乎入口即融卻又充滿口腔之間，加上濃濃的蛋香，每一啖都覺得超級幸福！真心正唔係講笑👍👍😄！食到咁上下，又可以食返粒士多啤梨中和下，酸酸甜甜幾清新😝😝
見佢仲有香港限定龍蝦班戟🤣好創新的配搭，我冇試到吖，吃貨們如果你們之後試左告訴我感受吖😋
另外佢嘅飲品方面我點左冷榨蘋果汁同mint mocha frappe, 兩杯都唔錯, 比較特別系有薄荷味嘅mocha凍飲。整體來講，佢呢間鋪頭嘅食物同埋飲品都算高質，呢間過江龍保持到水準喎！
—————————————————
店名：J.S. FOODIES
環境🏝：8/10
服務💁🏼♀️：8/10
價錢💰：8/10
食物質素🍝：8/10
整體🙆🏻♂️：8/10
地址:
九龍塘達之路80號又一城LG2樓30號舖i.t blue block
j.s. foodies menu 在 J.S. Foodies Tokyo - 漢堡餐廳 的推薦與評價
J.S. Foodies Tokyo · 粉絲專頁 · 漢堡餐廳 · 林口區文化三路一段356號2樓, Taipei, Taiwan · +886 2 2608 8703 · foodies.journal-standard.jp · 目前非營業時間 · 評分· 3.8（ ... ... <看更多>